編按：截至十一月中，本年與建造業有關的致命意外為18宗，當中一半涉及從高處墮下事故。因此，有議員提出禁止使用俗稱「飛棚」的懸空式棚架。工聯會屬下的建造業總工會等工會，隨之與承建商組成竹棚業大聯盟，遊行反對禁止飛棚。單靠數字，外行人或難以理解飛棚業的情況，工業傷亡權益會撰文解釋飛棚的危險之處，引述意外身亡工友之親屬撰文，與及工傷工友自述，惟工新聞特此轉載。
進身搭棚業有十幾年的阿輝，早已成為師傅，架輕就熟。2013年拆飛棚期間喺三樓墮下，腦袋一片空白。因為清醒所以痛不欲生。手、腰、盤骨、肺肝等多處地方嚴重受傷，送院後要即時做手術，終於渡過危險期。
阿輝話當時佢喺三樓拆緊棚，但嗰個位置只可以打一粒拉爆螺絲，於是搭棚嘅時候，佢哋就喺底部加多咗一條竹，增加承托力。點知拆棚既時候，其他師傅喺阿輝唔知道嘅情況下拆走咗條竹……當時阿輝有綁安全帶，點解都發揮唔到作用？因為喺無適當位置的情況下，阿輝只能夠將安全帶扣咗喺狗臂架度……阿輝最終連人帶架墮地。
意外到依家兩年幾啦，阿輝有好多部位成日痛，腰痛到成晚瞓唔到，日頭無精神。阿輝話將來唔會再做搭棚，都會擔心出路。由以前係空中飛人，變成而家企高啲都驚。喺街上見到同行搭棚都好擔心，擔心有人會發生意外。
阿輝認為飛棚工作危險，贊成禁止，因為受傷的人太多，而唔用飛棚可以用吊船。
意外之後，老細出咗幾個月糧俾阿輝，之後就無晒影，生活困難。尋日講過有老細無買保險嘅問題，喺搭棚業，尤其喺小型棚公司係十分常見既現象。點解？因為保費貴到嚇死你！
表tag:
裏tag:
縮字:
進身搭棚業有十幾年的阿輝，早已成為師傅，架輕就熟。2013年拆飛棚期間喺三樓墮下，腦袋一片空白。因為
